紐維爾受讓防不勝「防」 明早阿甲都有獨腳戲，防衛者將會出戰紐維爾舊生；話雖兩隊都已經風流波冇咩好爭，但舊生都希望打入前列爭取高系數，而且近戰佢哋都有復甦表現，因作客而受讓平半就更見超值。（周四3，香港時間周五6:00am開賽） 本來紐維爾舊生整體能力都一定喺防衛者之上，只係舊生今季成績平平，先至有呢場五五波嘅錯覺，而事實上，當陣中主力如麥斯洛迪古斯打起狀態，近3戰舊生即取2勝1和，當中呢名老將更3場都取得入球，配合域陀盧比斯等前鋒，舊生火力相當充裕，而防衛者近6戰只贏過1場，縱使有主場之利都肯定讓唔起舊生。