河床平盤「保」證收錢

河床平盤「保」證收錢
 
將呢場南球盃準決賽首回合賽事當係一般嘅阿甲賽事就得，事關主隊小保加同埋河床都係阿甲代表，其中河床近期對親小保加都係坐和望贏，有少少格食格嘅味道，開到平手盤就知應該點揀。（周四4，香港時間周五7:45am開賽）
大戰當前睇埋近況都冇乜作用，尤其係阿甲榜首河床上仗喺主場半場領先住奧林普都可以踢成平手，而前仗不敵實力平平嘅學生隊就知道佢哋擺明留力而戰；而首回合佔有主場之利嘅小保加亦有類似情況發生，明明前幾場波都可以贏波而回，偏偏上場只係同沙蘭迪兵工廠踢成平手就算，睇嚟南球盃嘅吸引力都唔細喎！
要睇就睇雙方喺今年曾經喺阿甲同埋友賽有多達6次交手，其中河床取得3勝之餘竟然完全未輸過，賽績實在太一面倒，只係怕前鋒杜費路古迪利斯、中場卡路士辛捷士，同埋後衛艾華利斯巴蘭達踢完國際賽之後未必可以趕及上陣，不過小保加都有中場加高代表阿根廷，同時中場哥拉素以及後衛馬加蘭肯定唔出得，抵銷番所有不利因素，平手盤吼實河床坐走望贏。