甘美奧上盤「高」手

甘美奧上盤「高」手
 
巴甲上演前列大戰，甘美奧為保前4席位，今仗勢必剷除一哥高士路，足智彩開甘美奧讓平手、半球都唔使驚，因為佢哋今季主場只係輸得兩次咁大把，惡到咁嘅地步，上盤梗係好「路」啦！（周四5，香港時間周五7:50am開賽）

甘美奧中場馬菲奧斯比迪高喺上星期受傷，今晚將會缺陣比賽，而中場菲臘比巴斯圖斯就被罰停賽，好在馬菲奧斯比迪高已經康復得七七八八，可以及時而出，填補菲臘比巴斯圖斯嘅空缺，至於費蘭甸奴、加比爾拉巴同埋西蒙賓斯呢班十字軍就傷咗一段時間，對部署冇影響。
事實上，甘美奧日前作客以3:0擊敗基斯奧馬，已經連續3場聯賽獲勝，並且將巴甲不敗走勢增加至6場，最重要係甘美奧今季只曾喺主場輸過兩次，擺明就係地頭蟲，咁惡點解唔捧場先？
高士路中堅里奧同埋右閘美基洛查坐完波監，中場阿里遜亦久休復出，不過漢歷基柏查高就要繼續停賽，達迪安達臣、艾基迪奧、馬些路摩連奴同埋汀加就分別因受傷同合約問題，鐵定唔會喺今場披甲，陣容方面絕對唔算完整。

高士路往績輸晒

仲唔放心買甘美奧平手、半球上盤？咁我哋睇埋往績啦，高士路近5次巴甲作客甘美奧都輸晒，上屆輸1:3、前屆輸1:2，其中一次更慘敗1:4，格食格味道好濃，有晒分析同數據，實在不宜包拗頸，甘美奧上盤有1.88倍記得捧場。