明尼路上盤爆「法」

明尼路上盤爆「法」 
 
巴甲明尼路對法林明高肯定係鬥Hea嘅場合，因為前者講到明留力巴西盃，後者就宣布咗護級成功，不過計後備球員質素，明尼路點都高些少，所以足智彩開讓球盤，捧主隊讓半、一夠「高」章。（周三25，香港時間周四8:00am開賽）

明尼路繼續有施辛夏、哥迪尼爾同埋艾馬臣杜斯山度士等人缺陣，教練古爾比已經講到明，今仗會再安排副選出戰，目的梗係留力應付巴西盃決賽次回合賽事啦。不過明尼路日前先喺主場出後備都都同費古倫斯打和，足證呢班二線兵都好有實力，加上現時同聯賽榜前4名只係相差2分，形勢上仲可以爭入前列，鬥心絕對秤先。
法林明高仲Hea，佢哋日前喺主場以3:2擊敗哥列迪巴，依家已經有47分在手，肯定護級成功，所以今仗都會安排好多新人落場攞經驗，而且阿歷辛度同埋伊度亞度艾維斯養傷，域陀卡沙利斯就去咗幫巴拉圭踢國際賽，想認真排陣都唔得，足智彩開讓球盤，放心捧明尼路半、一上盤。

捧帕拉尼恩斯和局

帕拉尼恩斯對山度士呢場中游混戰就可揀和局，事關兩隊爭標又冇份，但護級又唔關佢哋事，而且實力較強嘅山度士呢期明顯同樣冇乜戰意，好難要求佢哋比心機踢，3.2倍和局簡直度身訂造。（周三18，香港時間周四5:30開賽）
戈亞斯對哥連泰斯就不妨吼客隊，因為主場嘅戈亞斯傷兵頗多，祖奧保羅米羅、祖利安奴里爾、里奧維洛素同埋維爾馬盧卡斯都肯定倦勤，而且佢哋位列中游，戰意完全欠奉，相反哥連泰斯正在爭緊入前4，防守中場伊利亞斯文迪斯又坐完波監，是役可以復出，1.73倍客Win穩。（周三22，香港時間周四7:00am開賽）