科特迪瓦讓主屠「隆」

科特迪瓦讓主屠「隆」

非洲國家盃外圍賽D組賽事，科特迪瓦要鞏固次名位置，是役對喀麥隆不容有失，好在大象兵團主場出擊有一定威力，有權打破喀麥隆嘅小組不敗金身，即使大膽啲揀科特迪瓦「讓主」都冇問題。（周三2，香港時間周三10:00pm開賽）

科特迪瓦上場分組賽大勝塞拉利昂5:1，一洗早前兩戰不敗頹風，乘勝追擊值得睇高一線。喀麥隆兩連勝一樣咁巴閉，但佢哋喺D組有放離跡象，球員心態上難免放鬆，加上陣中當打球員唔夠科軍多，「讓主」機會大。
畿內亞對烏干達一戰因伊波拉病毒威脅，要移師去北非嘅摩洛哥舉行，變相令畿內亞失去咗主場之利，而且烏干達近兩戰全勝是役直接買客W勝望濃。（周三6，香港時間周四12:00am開賽）
另外突尼西亞喺G組提早出線，今晚對埃及未必認真看待，連哈化柏林前鋒艾拉基都唔揀就知咩事，相反埃及有車路士中場穆罕默德沙拿坐鎮，揀客W唔過份。（周三15，香港時間周四3:00am開賽）