西班牙主勝一定「德」

西班牙主勝一定「德」
 
近年先後稱霸世界嘅兩支勁旅西班牙以及德國，會喺今晚友賽中碰頭。雖然同樣有主力缺陣，但論「災情」德國傷兵問題似乎比較嚴重，衡量後西班牙可以秤先多少，主勝有分頭下可以放心捧場。（周二15，香港時間周三3:45am開賽）

西班牙喺今夏世界盃出晒醜，而主帥迪保斯基之後又好似冇乜嘢咁未有積極換班，卡斯拿斯、碧基等依然喺晒度；好在球隊喺國際賽期有大量「傷兵」湧現，法比加斯、恩尼斯達、大衛施華等都冇入選，但就變相俾咗機會好似佐治高基、柏高艾卡沙、艾華路莫拉達同艾斯高等年輕高質球員去表演自己，後者上場對白俄羅斯就成為最佳球員，今晚留守主場出擊可睇高一線。

德國欠運傷兵滿營

德國今夏勇奪世界盃冠軍，但之後就步入調整期，高路斯及拿姆等都選擇退役；而禍不單行係，紐亞、馬高列奧斯、曉姆斯同謝路美保定等主力，都分別因傷冇入選或提早退隊，球隊今晚要靠維丹費拿、賀維迪斯、普多斯基、湯馬士梅拿以及馬里奧葛斯主持大局，計人腳未必係西班牙嗰皮，連續第4次喺對碰中輸俾西班牙機會甚高。