巴西客勝歡天喜「地」

巴西客勝歡天喜「地」
 
今晚國際友賽其中一場對碰頗為有趣，新興勢力奧地利將會喺主場對住巴西。奧地利俾人級數未見底感覺，可惜友賽隨時係兩隊邊緣球員比拼場合，咁計法就以巴西秤先，客勝信得過。（周二8，無綫網絡電視302頻道周三2:00am直播）
先講吓主隊奧地利，佢哋好叻仔喺今屆歐國盃外圍賽G組賽事得3勝1和排榜首，球隊啱啱先主場贏咗俄羅斯；事實上，奧地利近年冒起咗唔少具質素球員，好似拜仁嘅阿拉巴、維拉嘅安祖斯韋文以及史篤城嘅阿拿奧杜域等等，難怪戰績提升得咁快。問題係，奧地利正正對完俄羅斯，今晚又只係友賽一場，會唔會出差正選好難估，而只計二線兵佢哋肯定唔係對手手腳，所以就算有主場之利，要成功偷雞都唔係咁容易。

巴西整體質素高晒

巴西喺今屆世界盃一敗塗地，但爛船始終有三斤釘，今夏改由前主帥鄧加領軍，就似有搵到球隊問題所在之感，要注意球隊至今踢咗5場友賽，全部贏晒兼夾一球波都冇失過，對手之中仲有阿根廷、哥倫比亞等強手，演出有晒證明；今晚尼馬、奧斯卡等主力都可候命，要再下一城難度唔大。