以色列和局「斯」人醒 今晚歐國盃仲有幾場冇直播比賽，其中B組以色列對波斯尼亞相信戰況會最為接近。以色列分組賽兩戰全勝，但講真作客贏塞浦路斯同安道爾，兼場場都失1球，賽績其實冇特別；問題係，客軍波斯尼亞分組直頭主場輸俾塞浦路斯，之後連和威爾斯同比利時雖顯示賽績有好轉，但始終係一場波都未贏過信心麻麻，3倍和局更值博。（周日19，香港時間周一3:45am開賽） 至於H組挪威作客阿塞拜疆相對較易買。挪威仲有機會爭第2名出線，對3戰全敗失10球嘅阿塞拜疆，客勝仍有分頭值捧。（周日6，香港時間周一1:00am開賽）