波蘭讓客「魯」定收錢    歐國盃外圍賽D組榜首球隊波蘭，今晚會作客挑戰格魯吉亞，以佢哋嘅強勢，絕對有權反客為主，問題只係贏幾多球，足智彩開讓球主客和，波蘭「-1」有3.65倍係超回報，「讓客」唔使諗。（周五7，有線61及201台周六1:00am直播） 格魯吉亞上仗只能夠以3:0擊敗直布羅陀，攻力同波蘭、愛爾蘭有明顯差別，而且基維辛迪中場伊巴拉迪斯未有歸隊，今仗實力更見削弱。波蘭上仗以2:2賽和蘇格蘭，暫時喺分組賽以2勝1和佳績排榜首，拜仁慕尼黑射手羅拔利雲度夫斯基、西維爾中場基祖華克、雷恩中場哥錫基、科隆後衛奧高斯基，同埋多蒙特右閘比薛斯基全部有入選，人腳有保證，開「讓客」意料之內。