葡萄牙“尼”料

葡萄牙“尼”料

明晨歐國盃外圍賽又再開打，不過戲碼一般，都係強弱懸殊，包括世界盃冠軍德國對直布羅陀，簡直大人打細路一樣，如無意外德國要幾多有幾多。葡萄牙將會主場迎戰亞美尼亞，葡萄牙經過首戰不敵阿爾巴尼亞慘痛教訓後，今仗肯定加多兩錢肉緊，除三分志在必得外，亦要一場大勝證明係歐洲列強之一。

亞美尼亞屬於歐洲弱旅一族，基本上與葡萄牙至少相差一班波以上，踢小組賽只係陪太子讀書。不過，上場能夠打和塞爾維亞，都有些少抵抗力，問題係今場能否頂得住葡軍狂轟濫炸。初盤葡萄牙硬讓兩球，C朗咁有態，一個都可以收夠數，一於捧葡萄牙橫掃對手。

葡萄牙冇咗C朗的確唔掂，第一場缺陣就輸波，上場亦要靠呢位球王在最後時刻入波，才能險勝丹麥，所以葡軍食粥食飯到要睇C朗。有“朗哥”，冇輸波。

而亞美尼亞陣中最具名氣應該係多蒙特中場米希達恩，其他都係不知名球員，踢嘅都係低級别聯賽，可想而知實力好極有限，只望輸少當贏。推介：葡萄牙4:0