挪威讓主「愛」不釋手

挪威讓主「愛」不釋手
 
沉寂多時嘅挪威近期稍有起色，今晚熱身賽約戰實力唔強嘅愛沙尼亞，擺到明就係要用勝仗嚟到提升士氣，主場出擊當然冇得輸啦，所以足智彩開讓球主客和，挪威「讓主」簡直係「愛」不釋手。（周三3，香港時間周四3:00am開賽）

挪威上月喺歐國盃外圍賽以2:1擊敗保加利亞，近兩戰錄得全勝紀錄，雖然布力般流浪前鋒祖殊京治、史特加前鋒艾度拿奧爾、阿爾克馬爾中場馬古斯軒歷臣，同埋艾夫斯堡中場侯加因傷退隊，但係賀芬咸前鋒艾爾尤諾斯、些路迪中場史堤芬祖漢臣、諾域治中場堤迪、哈化柏林中場史基布特，同埋慕遜加柏後衛洛特維迪都獲得徵召，加上洛辛堡射手蘇達倫傷癒後重新入伍，挪威嘅陣容唔講得笑，主場出擊夠踢啦。
愛沙尼亞上月喺歐國盃外圍賽以0:1不敵英格蘭，今次佢哋雖然有不少外流球員歸隊，包括奧厄前鋒亨利安尼亞、馬瑟韋爾中場奧查馬，同埋黑池中場辛祖夫，可惜效力奧格斯堡嘅隊長卡拉雲就因傷倦勤，今仗應難阻挪威開出「讓主」。