冰島讓客與「時」並進

冰島讓客與「時」並進
 
比利時受制於傷兵問題，今晚友賽唔可以用到「夫添」出擊，撞正對手冰島喺歐國盃外圍賽踢到識飛，目前信心爆棚，所以足智彩開讓球主客和，比利時未必讓得起，捧冰島延續不敗開「讓客」。（周三6，香港時間周四3:45am開賽）

比利時多主力倦勤

愛華斯前鋒米拿拉斯、安德列治中場迪科亞、西布朗後衛保高洛尼，仲有巴塞隆拿中堅華美倫全部高掛免戰牌，隊長高柏尼亦因傷倦勤，布魯日中場西蒙斯就決定退出國家隊，比利時人腳確實唔齊整，雖然愛華頓前鋒盧卡古、阿士東維拉射手賓迪基、車路士中場夏薩特、曼聯中場贊奴沙、費蘭尼、熱刺中場迪比利，同埋禾夫斯堡中場奇雲迪布尼都可以候命，不過唔排除教練韋莫斯會順水推舟玩試陣，讓波有啲危。
冰島上月喺歐國盃以2:0擊敗荷蘭，外圍賽3連勝氣勢如虹，期間仲要全數保持不失球，球員嘅信心同埋士氣都大大提升，而且皇家蘇斯達前鋒艾費特芬保加臣、阿積士前鋒史基賀臣、卡迪夫城中場艾朗根拿臣，同埋史雲斯中場基菲爾施古臣全部入選，「夫添」下有權保不敗開「讓客」。