荷蘭難奏凱“哥”

荷蘭難奏凱“哥”

周中又係國際比賽日，世界盃亞、季、殿軍分途出擊。先畀個溫馨提示大家，由於歐洲球隊過幾日仲要踢歐國盃外圍賽，唔排除留力可能性，所以巴西與阿根廷，分別對住克羅地亞與土耳其，南美雙雄可以優先考慮。

同樣道理，荷蘭主場迎戰墨西哥，讓波理所當然，但“橙衫軍”有後顧之憂，戰意較強嘅墨西哥更值得捧場。

“橙衫軍”上仗爆冷不敵冰島後，外圍賽只得一勝兩負，出線形勢危機重重，三日後要對住拉脫維亞。雖然對手較弱，但許勝不許和，一分亦不能再失，所謂小心駛得萬年船。今場對住墨西哥，球員有乜冬瓜豆腐真係搵鬼可憐，預料拼搏程度將有所保留。

墨西哥亦非善男信女，在西甲搵食嘅“仙人掌三子”——杜斯山度士、占美利斯及“小豆”靴南迪斯都屬於星級戰將，攻力絕不簡單，有力攻破荷蘭大門。

兩隊曾經在今屆世界盃決賽周十六強碰頭，雙方戰況激烈互有攻守，荷蘭幾經艱苦才能反勝墨西哥。今戰再度交手，墨西哥誓要一雪前恥。

推介：和波1:1