捧海灣者上盤「達」標

捧海灣者上盤「達」標
 
美職季後賽去到4強次回合階段。海灣者首回合作客迫和達拉斯，今次返主場再戰自然更有利發揮，讓球盤開海灣者讓到半、一，絕對證明各界都睇好佢哋贏波贏盤晉級，上盤有計。（周一6，無綫網絡電視301頻道周二11:30am直播）

海灣者上回合作客差啲就輸波，但奧斯禾度阿朗素下半場幫球隊追和1:1完場，令海灣者可以更輕鬆應付聽朝呢場次回合比賽；要知道海灣者係賽事熱門之一，主場更係佢哋非常殺食武器，近8戰得6勝1和，絕對有利晉級。此外，海灣者目前雖有路維、巴斯曼同安迪羅斯等傷兵，但最主要幾位球員好似丹普西以及馬田斯，或上場入波功臣奧斯禾度阿朗素等都可落場，陣容依舊完整下，初盤讓到半一仍可放心捧場。客軍FC達拉斯錯失首回合贏波機會，今次變成作客自然好惡踢；事實上睇晉級過程，達拉斯季後賽兩戰都有主場之利，但都只能險勝白帽同僅和海灣者，計級數明顯唔足夠爭冠軍。

達拉斯作客往績差

再講，達拉斯今場續有佐治約翰同埋亨特利湯馬士兩名主力因傷倦勤，加上球隊過去5次造訪西雅圖無一次生還，仲輸過2:4、0:3、1:3等大比數波膽，往績咁利主隊，唔捧上盤都唔得啦。