史雲斯有“仙”機

史雲斯有“仙”機

史雲斯在英超揭幕戰令人眼前一亮，在奧脫福力挫紅魔曼聯。跟住連戰皆捷，直至遇上“車”禍，作客大敗在車路士腳下。雖然強勢受阻，但已顯示出球隊具一定戰鬥力，在英超屬於一支不容忽視嘅實力派。今晚“天鵝”再次受到考驗，主場迎戰兵工廠阿仙奴，絕對有力一拼。

阿仙奴近五戰保持不敗，當中取得三勝，不過睇返五場波對手，抗衡力只屬一般，實力並非太強。球隊目前仍受傷兵困擾，作客下未必可以取得較大優勢。初盤阿仙奴要讓對手半球，受讓的史雲斯較有“仙”機。

曾經講過史雲斯踢法極有觀賞性，球員控球能力、小組配合與個人技術都有一定功底，講組織默契唔差於任何一支強隊。即使面對以速度見稱嘅阿仙奴，史雲斯亦有望坐和望贏。

阿仙奴上場歐冠只打半場好波，下半場後防出現唔少問題，反映兵工廠仍有不少弊病。球隊嚟緊賽程相當艱險，先對曼聯、再戰多蒙特，連場惡戰，對於傷兵滿營嘅阿仙奴相當不利，要過史雲斯呢關都有隱憂。

推介：和波2:2