蜜蜂兵團讓主合「柏」

蜜蜂兵團讓主合「柏」
 
淪落到喺德甲陷入降班區域嘅多蒙特，抖擻精神再喺聯賽出擊，今晚主場對住慕遜加柏，有能力借歐聯贏波強勢重回正軌，就算足智彩開讓球主客和，都要捧蜜蜂兵團「讓主」。（周日50，有線61、64、201及203台周一12:30am直播）

多蒙特嘅德甲成績不堪入目，不過歐聯就踢到識飛，周中大炒加拉塔沙雷4:1，提早兩輪宣布躋身16強，如果蜜蜂兵團可以將歐聯嘅七至八成表現帶返去國內，今晚已經足以攻陷慕遜加柏，佢哋嘅教練高普咁有料，捧場客唔使太擔心。

多蒙特常大炒慕遜

事實上，馬高列奧斯喺球會低迷期間，個人嘅表現仍然獲好評，另外恩莫比尼嘅腳風亦開始轉順，有呢位前意甲金靴同埋馬高列奧斯喺前線攻堅，加上香川真司、阿祖安拉莫斯，仲有奧巴美揚等人都有入球能力，今晚主場係時候翻身。
慕遜加柏目前排喺德甲第3位，當然都有佢過人之處，最近更連勝法蘭克福、賀芬咸同埋阿波羅利馬素，好可惜佢哋嘅瑞士國腳中場格列沙加一傷再傷，復出嘅日子又要推遲，冇咗呢位好波之人，球隊嘅創造力即時減分，有一定隱憂。雖然多蒙特今屆成績唔係咁好，不過對住慕遜加柏嘅往嘅往績就唔輸蝕，近6次主場交手，蜜蜂兵團贏咗5次咁多，當中更不乏5:0、4:1同埋3:0呢啲大勝賽果，所以足智彩今晚開讓球主客和，可以放心捧多蒙特重回勝軌開「讓主」。