韋斯咸「維」攻開上盤   韋斯咸季初戰績一般，同艾拿戴斯過於保守好有關係，但打多幾場大Sam都發覺冇必要咁保守，因為今季一對新箭頭安拿華倫西亞以及迪亞法沙高太過犀利，呢對「新黑雙剎」今季已轟入9個入球，中場又有達寧及艾馬菲達奴不斷製造機會，韋斯咸入球能力好值得信賴，維拉連輸6場，睇怕都要延續連敗紀錄。（周六19，now623台11:00pm直播） 維拉季初係威係勢，點知其後6連敗，雖然對手多係強隊，但打沉士氣係致命傷；佢哋想反底唔易，因上場被趕出場嘅賓迪基今戰要停賽，變相又少個可靠取分人物，呢場幾大都信韋斯咸。