修咸頓半主明益「李」   英超今季最神奇都莫過於修咸頓！「聖人」季初散貨套現1億，用咗一半左右買新兵，再加入神奇教練朗奴高文，依家打咗10周賽事，佢哋已有22分喺手排第2位，喺冇其他後顧下，球隊今季真係有權神奇落去，呢一周對手只係李斯特城，睇嚟再取3分不是夢。（周六18，now622台周日11:00am直播） 李城近5戰輸4場，主場出戰連般尼都贏唔到，今季都要為護級而戰；而修咸頓則越戰越勇，聯賽3連勝更試過締造8:0大炒新特蘭紀錄，前線加斯安奴柏利及杜辛泰迪治如失散多年兄弟一拍即合，呢場唔使驚佢哋冇波入，主勝熱透，進取啲買半場主勝。