曼聯主「宮」捧半場大

曼聯主「宮」捧半場大
 
費格然聽頂爺提到曼聯出親場捧入球大有着數，講真幾認同佢架，好似今晚主場對水晶宮咁，成條紅魔防線面目全非，捧半場大都隨時幾分鐘收錢。（周六17，now621台周六11:00pm直播）

相信好多讀者都知，曼聯防線今季弱到不堪，僅靠門神迪基亞一人支撐大局；另外常規中堅菲爾鍾斯、莊尼伊雲斯同埋基斯史摩寧雖然本身都唔係叻，但起碼有經驗同間中有令人驚喜演出，但依家都因為受傷同停賽肯定唔打得，今晚迫住用卡域克墮後拍新仔青訓產品泰萊布力基，真係左睇右睇都唔夠穩陣，好在球隊今晚勝在有主場之利，前線亦有鐵三角朗尼、尹佩斯同埋迪馬利亞爭取「士哥」，攻力唔需要點懷疑。
至於水晶宮近排同西布朗以及新特蘭都踢到飛沙劈石，其中同西布朗踢成2:2，而最肉酸係連對「黑貓」都夠膽死失3球輸1:3完場，近排防守表現差成咁，你話唔捧半場大邊隊得起自己呀？