洛達上盤「安」心捧場 荷乙排第2位嘅洛達會喺今晚登場作客安曼。叫得二哥洛達表現更係唔差得去邊，球隊近8場正式比賽得6勝2和，而最重要係佢哋冇荷乙球隊作客唔掂呢個老毛病，啱啱就以4:0大炒阿基里斯造出4連勝佳績，難怪作客都成熱門。主隊安曼聯賽4連勝，主場更接連大炒馬斯特里赫特同川迪青年隊，但睇埋佢哋近期敗仗係對住奈梅亨同荷華高斯，就知又係遇強隊例牌腳軟嗰類球隊，讓球盤洛達讓平半合理，上盤穩如泰山。（周五9，香港時間周六3:00am開賽） 另一關吼奧斯對阿積士青年隊。後者客場近10戰3和6負；而奧斯近排好爭氣近5戰4勝，1.92倍主勝值捧。（周五12，香港時間周六3:00am開賽）