凱沙讓主「波」濤洶湧 德乙星期五晚連場大戰，主菜當然係凱沙羅頓主場對波琴比賽。一講到凱沙就唔可以唔提佢哋個無敵主場，近10戰得8勝1和1負入20球，場均兩球絕對有極強氣勢，加埋賽前並冇傳出再有球員受傷可以原陣出擊，讓1球值博。客軍波琴近期見親就可以買對家，佢哋近7場正式比賽得4和3負，啱啱主場對1860輸夠0:3，邊有得同凱沙周旋。（周五4，香港時間周六1:30am開賽） 同時間辛特侯遜對紐倫堡形勢較複雜。辛特侯遜近期連和奧厄同卡爾斯魯厄，近況對佢哋而言其實算有好轉，而紐倫堡客場賽績差到嚇死人，近10戰僅1勝今晚再度出征肯定會踢得特別小心，計完數3.1倍和局有計。（周五5，香港時間周六1:30am開賽）