保頓平盤主勝除「根」

保頓平盤主勝除「根」
 
英冠星期五晚獨腳戲，保頓又會喺主場出擊而對手變成韋根。保頓換帥後演出轉好其中主場更係有信心保證，今場面對近況回落嘅韋根，初盤讓球竟然開平手盤，2倍平盤主勝值捧。（周五27，無綫網絡電視301頻道周六4:00am直播）

保頓早排換帥，改由前些路迪領隊連濃執教，果然成班波即刻醒晒大有起色，雖然當中都輸過俾查爾頓同諾域治，但全部係客場比賽，球隊主場則連贏到賓福特同卡迪夫城，後者級數同韋根差唔多都係要輸0:3，七除八扣平手盤都抵玩。

韋根雖然有賓屈臣、卡林麥馬拿文同馬隆尼等舊將，但今季聯賽成績唔好得過保頓幾多，依家排喺聯賽第19位，球隊近8周聯賽僅贏過打比郡，過去周中快車連作客白禮頓都要輸0:1，教頭洛士拿冇料到已經好明顯，作客難逃再失3分。

埃克塞特讓客值捧

英足盃今晚仲有場第1圈比賽由沃靈頓對乙組仔埃克塞特。沃靈頓係非聯賽球隊級數較低，近3戰亦2敗分別喺英獎盃輸過俾莫斯萊，同聯賽不敵特萊斯登，加埋失5球之多，左計右計埃克塞特發揮近4戰不敗，當中雙殺摩甘比水準已夠贏，2.05倍「讓客」放心捧場。（周五26，香港時間周六3:55am開賽