哈化捧唔“諾”

哈化捧唔“諾”

明晨有場德甲獨腳戲，哈化柏林迎戰漢諾威。睇來睇去似乎唔多對路，就係初盤開出哈化柏林要讓對手半球。

漢諾威目前在聯賽榜排第六，哈化柏林排到落第十三，從位置上可以見到球隊本身實力唔多唔少都有差距。簡單講句，哈化柏林憑乜嘢可以讓得起對手半球？唯一可能性係基於兩隊主客場戰績，哈化柏林主場五戰取得三勝一和一負，更加贏過第二位嘅禾夫斯堡，主場發揮的確特別醒神。至於漢諾威五場作客祇贏得一場、和一場輸三場，唔通踢作客真係冇料到？

如果講人腳，大家都係半斤八両；不過哈化柏林因有舒捷巴、賓哈迪拉、雲丹貝治及尼高舒卓斯等多名主力因傷缺陣，陣容相當不整，戰力大減，上場不敵升班馬柏德博恩，足以證明影響有幾大。

冇錯，漢諾威踢作客的確爭唔落，但衰衰哋上場聯賽作客打敗“黃蜂兵”多蒙特，加上上季去到柏林奧林匹克球場大勝三球。最重要係人腳兵源夠充足，今戰再踩場根本未驚過。

推介：和波1:1