小保加受讓好諾觀

小保加受讓好諾觀
 
喺盃賽前席稍為留力都係人之常情，所以咪怪小保加喺10月尾連開4W，不過上輪作客聖羅倫素就突然輸波，擺到明係好重視南球盃，作客波特諾受讓平、半，明刀明槍唔捧下盤對自己唔住！（周四26，香港時間周五6:00am開賽）

實在好難怪堂堂一隊阿甲勁旅嚟到南球盃都要玩留力，事關波特諾係巴拉圭國內勁旅，而中場話晒都有前拜仁球員祖利奧杜斯山度士領軍，其餘位置亦有唔少巴拉圭國腳坐鎮，再加上由9月尾開始主場連續8戰都未輸過，來勢洶洶小保加為免有咩意外都係穩陣些少比較好嘅。
不過小保加又未必真係會好怕波特諾嘅，睇番佢哋喺16強正正就係對住另一隊巴拉圭球隊利伯泰迪，當時兩回合都能夠好輕鬆咁「雙殺」對手，有晒經驗再對多次巴拉圭球隊喺心理上點都會有些少優勢，只係怕佢哋喺首回合主場只係贏到波特諾1:0咁大把，攞住1球喺手又唔算特別有優勢，好在中場線有前皇馬球星加高睇實，防線並冇「漏水」問題，作客要去到巴拉圭可以保到不敗晉級。
尾場「阿甲內訌」有河床再對學生隊，睇番前者連開6W兼夾入13球，可以大膽要「讓主」。（周四27，足智彩周五8:30am網上文字直播）