聖伊天主勝「米」走雞

聖伊天主勝「米」走雞
 
實在有唔少負面新聞纏繞住國際米蘭，近期最大嘅新聞莫過於榮譽會長莫拉堤宣布請辭，除咗意味住佢嘅年代完結之餘，亦同時揭示有唔少內部問題，嚟到歐霸作客聖伊天都好難會有期望。（周四13，有線63台周五2:00am直播）

由於同管理職傾唔掂數，莫拉堤喺上個月尾突然宣布請辭，對軍心絕對有好大影響；再講佢哋喺上輪歐霸喺主場對住聖伊天都係互交白卷踢成平手，近期莫路伊卡迪淨係識入12碼，而奧斯華度就直情影都冇埋，睇唔到有乜贏波殺着，呢場F組分組賽捧得主W。
同組嘅卡拉巴克上輪作客爆冷贏到迪尼普，今次迪尼普自然有備以來，可惜後者喺歐霸仲未打開勝利之門，就算要捧客隊頂多都係要客勝就算數。（周四2，香港時間周五1:00am開賽）
而飛燕諾喺G組僅得3分，好在唔係落後同組對手好多，今晚只要一贏列積卡就仲保持到出線希望；睇番佢哋喺近7戰贏過6場咁多，當中半場更頻頻領先對手，對住列積卡有力報仇。（周四14，香港時間周五4:05am開賽）