熱刺上盤「卓」綽有餘

熱刺上盤「卓」綽有餘

對上一次熱刺喺大敗俾曼城之後立即就搵卓普利斯出氣，咁啱佢哋上場擊敗維拉唔算精彩，主帥普捷天奴正好再搵卓軍做「護身符」，就算作客要讓到半球、一球咁辣都絕對有「普」！（周四8，有線61及201台周五2:00am直播）

執教熱刺呢類中上游球隊都幾慘吓，輸波又會俾人話，贏波又要求要贏得精彩，就算上場尾段後上反勝維拉都好，主帥普捷天奴都仲未可以鬆一口氣；預計今晚佢又要派出強陣幫自己解圍，中場查迪尼嘅近況唔錯，新星哈利卡尼喺上場英超開齋增強信心，搭埋專踢盃賽嘅拉美拿會開到上盤。
同熱刺一樣身處C組嘅比錫達斯上場作客以4:0大炒柏迪遜，今次主客場互換按道理應該會贏得更多，問題係佢哋近期冇表現，轉捧「主主」仲好。（周四9，香港時間周五2:00am開賽）
而B組嘅哥本哈根手握4分，只要今晚喺主場贏到布魯日就仲有出線機會，偏偏對手亦係唔可以失分，兩邊為保出線機會都唔會放過對手，有理由相信會係「大」戰連場。（周四6，香港時間周五2:00am開賽）