拿玻里讓主心水「青」

拿玻里讓主心水「青」
 
拿玻里今季喺聯賽表現平平，但去到歐霸3戰2勝，而且打打吓近期連聯賽成績都有好轉，射手希古恩重拾射門鞋，而由於上輪佢哋作客年青人輸波，今場至少要以2:0以上比數贏波至可以重建優勢，一於信賓帥今場玩認真，買定「讓主」先。（周四18，有線64及203台周五4:05am直播）

拿玻里上輪對年青人輸0:2，但其後3場聯賽2勝1和，當中一場更大炒維羅納6:2，希古恩3戰入5球，似乎已經回復到最佳狀態；年青人今季喺瑞超表現只屬一般，而近5仗1勝4負，睇嚟只要拿玻里唔輕敵，今場一定有能力報仇，而基於歐霸都係先計對賽成績關係，今場拿玻里目標肯定係贏2:0或以上，信佢哋贏波就梗係捧埋「讓主」。
另外同組榜首布拉格斯巴達對施洛雲，客隊正宗魚腩，布拉格呢3分都志在必得，再捧「讓主」。（周四19，香港時間周五4:05am開賽）