愛華頓有“里”由贏

愛華頓有“里”由贏

歐霸盃分組賽H組爭持激烈，基本上由英超愛華頓、德甲禾夫斯堡及法甲里爾三隊爭兩個出線席位。明晨愛華頓再與里爾碰頭，邊隊贏波出線形勢會相當有利。雙方上仗交鋒互有攻守，勢均力敵下和波都算合理，今場輪到愛華頓主場，“拖肥糖”當然較有利，皆因英超球會主場的確惡得多，加上里爾近六場作客輸四場兼未贏過，作客表現認真唔掂，初盤愛華頓讓半球，一於捧“拖肥糖”有利可圖。

愛華頓近況都算四平八穩，近五場比賽取得兩勝兩和一負，只係作客輸畀曼聯。球隊勝在有一對煞食前鋒，伊圖雖然年紀較大，但有經驗兼夠老練，盧卡古則步大力雄，衝刺力強，料可攻破里爾不穩防線。

講近期狀態，里爾差過愛華頓好多，近十場比賽只贏過一場咁大把，仲係險勝法甲包尾球隊巴斯蒂亞，可想而知戰力下滑嚴重。盤路更加不值一提，連輸五場，輸開有條路，所以半球波，愛華頓讓得起。

推介：愛華頓1:0