巴黎讓主心有靈「西」

巴黎讓主心有靈「西」
 
歐聯F組今晚有一頭一尾對碰。榜首巴黎聖日耳門近期已重拾霸氣，正式比賽4連勝當中包括作客1:0贏今戰對手尼科西亞，總結而言只要佢哋發揮水準，讓對手兩球仍合理，「讓主」「尼」料。（周三4，香港時間周四3:45am開賽）

引言提到巴黎聖日耳門4連勝，事實佢哋近排冇咗瑞典射手伊巴謙莫域，但踢落卻好似更為整體，卡雲尼、盧卡斯洛迪古斯同拿維斯都分擔到入波重責；此外，教頭白蘭斯藝高人膽大，過去周末作客羅連安特比賽，仲大膽到俾麥士維同大衛雷斯兩位後防主力休息，體力充足下好有機會再一次幫球隊保持清白之身，益各位捧場客贏波贏盤而回。
尼科西亞分組排榜尾，至今3戰得1和2負，睇埋分組賽入1球失3球表現，可以肯定係一支以防守重於進攻類型球隊，但今次出訪巴黎聖日耳門，全場受壓下球員肯定唔好受，如果早段就被攻破防線，隨時招致一場大敗；值得一提，尼科西亞歐聯分組賽作客原來從未贏過，9戰得5和4負，數據咁差受讓兩球依然捧唔過。