史浩克下盤勝莫「亭」

史浩克下盤勝莫「亭」
 
歐聯G組士砵亭同史浩克04上輪合演激戰，最終史浩克頂得住險勝4:3完場，今次主客場互調，但士砵亭主場威力其實麻麻，加埋迪馬堤奧上任後的確令史浩克變得穩定，讓球盤因作客受讓平半捧得過。（周三6，香港時間周四3:45am開賽）

話迪馬堤奧有料到唔係講大話架，佢帶隊先後已贏咗哈化柏林、士砵亭同奧格斯堡，唯一係作客輸俾利華古遜，證明要贏嘅波佢就贏到，演出比以往穩定得多；事實上，史浩克喺歐洲賽對住葡萄牙球隊的確幾有計，至今9戰僅1敗，而就算達斯拿、奇雲保定同祖普莫亭都唔打得，但上述球員係迪馬堤奧變革中其實都冇乜點打過，影響冇想像咁大情況下，作客受讓玩得過。
士砵亭上輪作客輸3:4，證明對史浩克唔係冇得打，只係今次返主場再戰，但佢哋自己地頭戰績卻係近7戰僅兩勝，贏波率勁低，今晚又要冇埋要坐波監嘅後防重心梅里斯奧山度士，要讓波唔值博囉。