聖日門守領先靠“普”

聖日門守領先靠“普”

巴黎聖日門在歐冠F組仍壓着巴塞羅那居首，今晚與阿普爾開火，聖日門人腳近況都佔優，要守住領先應不勝無歸。焦點落在伊巴謙莫域今仗會否上陣，但教練白蘭斯表明伊巴繼續缺陣：“已經等左四星期，球隊可以多等一個星期甚至十日，伊巴必需完全康復才能夠上陣，因為之後有好多重要賽事。”

聖日門在聯賽及歐冠戰績同樣理想，即使伊巴缺陣期間仍交出好成績，陣中卡雲尼、盧卡斯、卡比耶等近幾場都有波入，狀態大勇，整體表現亦不遜色，小將巴希碧克腳風不錯，即使伊巴無緣披甲，仍有卡雲尼、拿維斯、巴希碧克等隨時候命，主場曾擊敗地上最強的巴塞及挾四連勝之勢，加上聯賽缺陣的大衛雷斯有望復出，今仗食硬阿普爾。

小組以一分墊底的阿普爾上輪主場對聖日門晚節不保，雖在聯賽有好表現，但在歐洲戰場始終未夠班，加上傷兵滿營，安頓亞迪斯、查拉林比迪斯、高美斯因傷缺陣，艾朗尼迪斯、柏巴索古等上陣成疑，想搶一分亦機會渺茫。

不讓伊巴謙冒險

今場形勢一面倒，聖日門白蘭斯講明沒有必要讓伊巴謙莫域冒險出戰：“伊巴傷勢已經好轉，不再感到痛楚，但他是陣中的靈魂人物，聖日門之後亦有多場重要比賽，我必需確保伊巴完全傷癒，才會讓他再次披甲。”