皇馬繼續謀“利”

皇馬繼續謀“利”

皇馬上場歐冠盃分組賽作客晏菲路球場，談笑用兵三球輕取利物浦，打到對手全無還擊之力，今晚返到自己地頭再遇紅軍，如無意外食菜咁食，問題係會否手下留情，抑或繼續大開殺戒。

紅軍要抗衡皇馬？有幾多料自己知，要殺入歐冠十六強，今戰的確寄望唔大，唯有期望最後兩場能夠戰勝對手，相信羅渣士今戰會踢得較為保守，採取“守”字訣，盡量將失球數字減到最低，或者異想天開博得一分，但“銀河艦隊”前線經已着晒火，紅軍不穩防線實在難以抵擋皇馬嘅恐怖襲擊，初盤皇家馬德里硬讓兩球，推介銀河戰艦照舊價再贈紅軍三粒。

皇馬近十一場取得連勝，攻入四十六球，近六戰更淨勝對手三球或以上，所以三粒確係最低消費，講來講去，皇馬似乎真係贏硬，睇下贏幾多。

咁又係嘅，睇完紅軍輸畀紐卡素場波，應該都凶多吉少，一對守將史克迪爾與摩蘭奴錯漏百出，“謝隊”又踢唔出應有水準，巴神繼續冇貨交，球隊如此狀態，今戰想爆都難。

推介：皇家馬德里3：0