羅斯郡「巴」不得開大  計晒今季所有聯賽賽事，再畀多次機會計埋盃賽，今季羅斯郡無論係喺蘇超定蘇聯盃都仲未能夠保持到「清白之身」；撞正鴨巴甸係失球數字最高嘅前列球隊，經過11輪聯賽失成15球波咁多，呢兩隊完全唔知道防守為何物，根本就冇必要捧客勝，點睇都係「大」戰。（周一12，無綫網絡電視302頻道周二3:45am直播） 而阿甲嘅防衛者亦係一樣，由9月開始連續8戰都有失波，防守能力同隊名嚴重不符；不過今次佢哋喺主場對住實力唔錯嘅紐維爾舊生做到熱門，而且仲要讓到平手、半球，似乎外間對佢哋仲未死心，跟風吼上盤可能有意外驚喜。（周一16，足智彩周二7:30am網上文字直播）