捧禾寧丹讓客「川」針 荷乙兩隊青年隊喺今晚相繼亮相，不過要留意甲組成績將會直接影響到佢哋嘅表現，事關雙方都會將多餘嘅年青球員踢落青年隊，其中燕豪芬喺荷甲做緊「一哥」，暫時仲未需要動用到青年隊嘅球員，預計黑山前鋒阿歷山大波積域將會擔起大旗，對住芬洛想穩陣收錢必定吼實主勝。（周一7，香港時間周二3:00am開賽） 不過川迪喺荷甲就唔係咁掂，隨時都有機會調動年青球員上一隊，直接影響到青年隊嘅人腳；何況上季川迪青年隊喺荷乙都唔係咁叻，對住作客連開6W、入19球波嘅禾寧丹怕且都幾難有運行，唔止要吼客勝，求冷要埋「讓客」都冇問題。（周一8，香港時間周二3:00am開賽）