漢堡下盤「遜」心十足 金球獎23人候選名單出爐！老實講美斯C朗上屆都唔算特別出色，當中美斯一個盃都冇，C朗有歐聯，但世界盃表現一般，如果我有一票在手，一定投俾紐亞；紐亞喺世界盃嘅表現，可以講係全德國最出 色一個，冇佢客串做清道夫，加上連番神救，德國都未必捧到盃，而喺球會層面，拜仁上屆點都打到4強，而且現時當拿姆等退役，德國精神領袖一職明顯已在紐亞身上，就算攞唔到第一，紐亞都好值得 入前三名。 講起德國，德甲名牌漢堡上季死唔去，今季亦未有起色，但佢哋陣中有多名邊緣國腳如馬素贊臣、韋斯達文、賀治比等，實力唔太差，周中對拜仁都未有出全力，反而利華周中齊腳下竟然同支業餘隊打 到射12碼，下周又有歐聯後顧，呢場點都博主隊。（周六28，有線61、64、201及203台周六10:30pm直播）