中央陸軍下盤獨「特」 日前俄羅斯正式公布2018年世界盃標誌，不過佢哋嚟緊幾年真係好多問題要面對。首先部分地區貧窮問題幾嚴重，點樣維持治安係一重點，而更重要係國內嘅種族歧視問題，當地人普遍嚴重歧視黑人， 有非洲球隊甚至建議杯葛呢屆世盃，呢幾年俄政府點樣教育民眾喺世界盃期間咪玩嘢，又係頭痛之處；而對外烏克蘭同車臣兩條戰線，尤其前者如果未能平息戰亂，美國英國等會點取態都未知，得唔足4 年時間，睇你普京有幾大能耐先。 俄羅斯宣傳世盃，當然由自家聯賽做起！今晚超級榜首戰，莫斯科中央陸軍會主場對辛尼特，中央陸軍歐聯出線仲未絕望，辛尼特亦一樣，基於聯賽只係季初階段，雙方未必會博盡，受讓平半兼有主場 嘅中央陸軍穩陣。（周六25，now670台周六9:00pm直播）