車仔讓和扭轉乾「昆」

車仔讓和扭轉乾「昆」
 
英超一哥車路士喺主場迎接榜尾一族昆士柏流浪到訪，咪以為一定會大炒呀，畢竟車仔下周中要應付歐聯，迪亞高哥斯達紮住踢又肯定錫身，加上昆流稍稍回勇，捧小勝開「讓和」隨時有驚喜。（周六

33，now621台周六11:00pm直播）

上星期《新報波經》貼車仔同曼聯打和，結果中到啪啪聲，因為摩連奴心態好易捉摸，而車路士呢期亦開始玩留放，唔會場場炒到盡，下周中歐聯雖然對弱旅馬里博爾，不過要作客去到斯洛文尼亞，點

都要防止陰溝裡翻船，預計佢哋今晚見好就收，呢期狀態唔錯嘅奧斯卡杜斯山度士同埋夏薩特，喺領先後恐防未必會踢足全場。

贏到兩粒收手機會高

講開留力，迪亞高哥斯達想唔留亦唔得，鑑於雷米倦勤，36歲嘅杜奧巴又已經連續兩場擔正，所以筆者絕對唔懷疑傷癒嘅迪亞高哥斯達會打正選，只係佢的確好番冇耐，為免又再整親，即使踢足90分鐘

都唔會下下搏命，足智彩讓球主客和要車仔讓兩球，睇嚟真係淨勝兩球收工，變相買3.85倍嘅「讓和」仲更加抵玩。
昆士柏流浪上周終於贏波止血，查理柯士甸梅開二度，協助球隊擊敗阿士東維拉，英超排名亦由原本嘅20位微升一級，反壓升班馬般尼上咗第19位，不過里奧費迪南喺社交網絡以攻擊性言論侮辱球迷，

已被英格蘭足總罰佢錢兼停賽3場，即係今晚對車路士，仲有嚟緊對曼城同紐卡素都唔踢得，咁都好嘅，係人都知里奧同泰利不和，當日佢細佬安東費迪南嘅種族歧視事件搞到咁大，如果里奧今晚出場咪

盞尷尬。

近六度作客四次僅敗

坦白講，昆士柏流浪要爆冷喺車仔身上攞分就冇可能架喇，不過佢哋嘅門將羅拔格連近期有唔錯演出，而中堅哥爾卡亦係英格蘭國腳，加上近6次到訪史丹福橋有4次係僅負，今晚吼車仔見好就收開「讓

和」好路。