FC燕豪芬「士」日重心 荷乙今晚例牌有比賽，當中FC燕豪芬主場對阿積士青年隊形勢算簡單。FC燕豪芬主場已5連勝，球隊表現亦好穩陣近8戰6勝，唯一失準比賽係作客0:3輸俾奧斯，但呢啲十年唔逢一潤戰績其實可以抹咗佢，球隊今周冇傷冇病可以「夫添」出擊，贏面當然高；阿積士青年隊成績係睇一隊會唔會徵召晒佢啲球員，但睇績佢哋作客近10戰得1勝3和6敗失20球，總結而言大敗機會高。（周五6，香港時間周六3:00am開賽） 同時間泰斯達主場對馬斯特里赫特。兩隊今季一直守喺下游，共同點係常開大波膽，泰軍最近試過主場4:3贏鹿特丹斯巴達；馬軍就上周先主場3:2贏阿基里斯，前周就0:6輸俾安曼，捧大冇走雞。（周五8，香港時間周六3:00am開賽）