摩納哥讓主冇「蘭」度

摩納哥讓主冇「蘭」度
 
摩納哥今季雖然星散，但係表現仍然好平穩，近5場賽事亦累積2勝3和不敗，今晚法甲喺主場出擊，有力擊退作客嘅蘭斯，足智彩開讓球主客和，摩納哥2.15倍「讓主」可放心追捧。（周五18，無綫網絡電視302頻道周六3:30am直播）

以3:1贏完巴斯蒂亞之後，摩納哥喺法甲嘅排名稍微彈上第8位，連同歐聯連環撼賓菲加同埋巴黎聖日耳門都可以保持不敗，可見球隊目前嘅狀態同士氣都唔差，加上幾位射手好似謝明同埋恩歷克卡拉斯高都有唔錯狀態，摩納哥值得睇好。

蘭斯都保持緊3場不敗，好可惜周中聯賽盃輸俾低組別球會阿勒斯出局，仲要係打足120分鐘先喺加時輸2:3，唔止士氣插水，連體力都透支咗唔少，而且艾碧克、沙查巴斯迪恩、保尼隆、賓迪克同埋安東尼韋伯等人繼續養傷，不利蘭斯排陣，今晚想阻止摩納哥開「讓主」都幾難。

賓菲加食住里奧艾維

摩納哥踢完呢場法甲又要出發踢歐聯，屆時佢哋嘅對手又係賓菲加，呢支葡萄牙老牌球隊今晚會喺葡超會接受里奧艾維挑戰，論實力雙方當然係冇得打啦，何況喺往績方面，賓菲加近6次主場對里奧艾維全勝，真係易過食生菜，足智彩開讓球主客和，賓菲加1.77倍「讓主」完全冇難度。（周五22，now676台周六3:45am直播）