諾域治「保」證會開細

諾域治「保」證會開細
 
英冠今晚有場獨腳戲，由上季自英超降班嘅諾域治喺主場對保頓；諾域治近8戰僅1勝，狀態同季初比好似兩隊波咁，相反保頓近3戰已取兩勝，換帥似乎大有反彈感覺，呢場諾域治人腳質素上有優勢，但頹勢下睇怕只能小勝，進取一注可買「讓和」，但過關想穩陣似乎買入球細更實際。（周五20，香港時間周六3:45am開賽）

保頓自前些路迪教頭連儂領軍後開始有起色，近3場比賽取得2勝，似乎大有擺脫榜下游氣勢，而事實上，佢哋陣中有李青龍、賀頓等前英超兵在陣，整體實力又不致於太差，睇嚟乘氣勢呢一場都唔會太過落於下風；諾域治上季至降班，陣中未有完全星散問題出現，好似列特文等新星都仍然在陣中，所以季初一股連勝氣勢絕對唔係負碌，只係近期佢哋突然前線唔識入波，對上5戰球隊只得兩個入球，今場續有荷拉漢養傷，就算有埋主場之利最多僅勝，睇保頓近5場作客僅入3球，呢場都好難出現多入球場面。

聖莊士東去「馬」捧細

至於同日蘇超都有賽事舉行，主隊聖莊士東近5場輸咗4場，對手馬瑟韋爾更係4連敗，呢一場海軍鬥水兵賽事真係勝負難料，不過留意吓雙方近戰又係唔太識入波，呢場再買入球細又係相當穩陣。（周五21，香港時間周六3:45am開賽）