紐約紅牛「肯」定主勝

紐約紅牛「肯」定主勝

唔少美職球隊穩奪季後賽資格之後都會留力，不過紐約紅牛喺最後4場美職常規賽，竟然贏足3次咁多，留力留到贏波證明佢哋一啲都唔簡單，嚟到淘汰圈喺主場迎戰肯薩斯體育會個主勝肯定係「薩」無赦！（周四10，香港時間周五8:00am開賽）
要留意季後賽嘅淘汰圈係一場過分勝負，換言之有主場撐腰嘅紅牛可以話係有晒絕對優勢！再睇埋呢兩隊波喺上輪美職常規賽先至對過，當時紅牛喺留晒力嘅情況下作客都照贏肯薩斯體育會，其中常規賽神射手巴利胡禮菲臘斯更加梅開二度，今次主客互調形勢會更加明顯。
當然你可以話體育會嚟到季尾都有留力，不過睇番佢哋近期無論係喺美職又或者中冠盃都係進退失據，尤其係喺中冠盃不敵薩普里沙一役就令到球隊要行人止步，比起近4場贏足3次嘅紅牛有明顯分別，趁主勝有分頭要提早買定！