卡斯洛達讓主「森」水 仲以為喺歐霸頻頻失分卡斯洛達起碼會沉淪一排，不過上場俄超大勝泰歷克就證明到佢哋冇乜問題，始終近期嘅對手分別有愛華頓、辛尼特，同埋禾夫斯堡，場場都係硬仗又好難怪責佢哋連場失分嘅。今次卡斯洛達喺俄羅斯盃16強抽到好籤對住嚟自甲組嘅森馬拉，級數差幾班波照計唔會輕易放軟手腳，相信幾位森巴外援好似前鋒阿里、中場祖奧仙奴以及杜卡莫都會繼續落場，有機會開個「讓主」賀吓殺入半準決賽。（周四2，香港時間周五0:00am開賽） 而魯賓卡山喺季初出閘脫腳，好在由上個月尾開始就見到復甦跡象，近期連開4W其實冇乜特別，最出奇係作客照樣贏到莫斯科戴拿模，睇嚟呢段強勢仲會持續落去，今次喺自己地頭迎戰另一隊莫斯科球隊斯巴達讓得起平、半有突。（周四3，足智彩周五0:00am網上文字直播）