聖保羅讓和方興未「艾」

聖保羅讓和方興未「艾」
 
巴甲名牌聖保羅呢排真係好唔得閒，一方面要喺聯賽追趕領頭羊高士路，另一面又要喺南球盃爭標，明早佢哋就會出戰南球盃8強賽事，兩回合比賽佢哋先行主場對艾美歷克，佢哋肯定希望借主場之利先確立優勢，不過艾美歷克能本事上圈淘汰另一巴甲球隊戈亞斯，呢場極可能只小敗一球。（周四8，香港時間周五8:30am開賽）
計實力，聖保羅係好有條件兼顧兩條戰線，隊中主力艾迪美臣、洛迪高卡爾奧都只係二十出頭，「老將」柏圖25歲喺隊中年紀已算好大！所以呢支球隊肯定夠晒精力應付兩條戰線。
不過對於聖保羅嚟講，艾美歷克真係唔易食，艾美歷克上圈以12碼淘汰戈亞斯，當中作客一場都只係僅負0:1，睇嚟兩回合嘅作客賽事，佢哋目的只係輸少啲，返到主場至搏，如無意外，艾美歷克無論咩情況都會刻意死守，捧「讓和」啱晒。
至於同日另外一場有小保加對波特諾，客隊上圈淘汰拉魯斯，隊中有古爾沙等射手在陣，級數不比小保加低，而小保加聯賽應該爭標無望，現宜專注盃賽，兩隊都有甚強入球能力，捧入球大。（周四9，香港時間周五8:30am開賽）