拜仁讓客信心「堡」證

拜仁讓客信心「堡」證
 
漢堡換帥之後嘅虛火已經燒完，今晚德國盃第2圈喺主場再遇拜仁慕尼黑，想爆冷簡直天方夜譚，雖然足智彩盤口好辣，拜仁讓一球熱到得1.65倍，但呢注「讓客」真係穩陣到冇得輸。（周三18，無綫明珠台周四3:30am直播）

換帥之後，漢堡曾經爆大冷擊敗多蒙特，但原來蜜蜂兵團本身係陷於低谷，邊隊都可以砌低佢哋，漢堡根本冇進步到，上周德甲0:3慘負攻力唔強嘅哈化柏林就係鐵證，所以今晚德國盃第2圈喺主場出擊，睇嚟都唔可以阻止拜仁晉級。
拜仁慕尼黑上周德甲雖然同慕遜加柏互交白卷完場，不過早前就分別以7:1血洗羅馬，同埋以6:0怒宰雲達不來梅，冇辦法啦，列貝利已經復出，同洛賓再演雙翼齊飛夠晒煞食，而湯馬士梅拿、馬里奧葛斯同埋羅拔利雲度夫斯基等取分人物又冇傷冇病，是役可以強陣出征漢堡，足智彩將「讓客」調到得1.65倍，已經知冇得輸。
禾堡主場勇不可擋
同日禾夫斯堡喺德國盃第2圈主場對住乙組海登咸，波盤齊贏威水晉級下一圈係意料中事，皆因禾夫斯堡呢期勇不可擋，連同德甲、歐霸已累積6場不敗，當中獲5勝1和佳績，難怪可列聯賽第3位，今仗唔怕海登咸越級挑戰，「讓主」係最佳選擇。（周三20，香港時間周四3:30am開賽）