曼城讓主心中有「素」

曼城讓主心中有「素」 
 
曼城喺英超又失分之後，爭標形勢變得被動，為免季尾兩手空空，而家嘅態度肯定連盃仔都唔放過，何況聯賽盃已經打入16強，今晚喺主場對紐卡素勢必輕鬆開「讓主」晉級。（周三29，無綫網絡電視301頻道周四3:45am直播）

歐聯分組賽未開齋，英超又大意不敵韋斯咸而跌落第3位，億萬大軍曼城點會唔心急吖，領隊柏歷堅尼已經火燒眼眉，先唔講捧唔捧到聯賽盃，今晚主場對紐卡素就點都要贏波振軍心，何況球隊下周英超仲要惡鬥同市死敵曼聯，梗係要壯下行色。睇番曼城上一圈以7:0大勝錫周三晉級，入波嘅球員包括迪斯高、捷西斯拿華斯同埋耶耶托尼等人，另外仲有新星波素，可以預期藍月亮都會出大半隊正選，再帶住一兩個新人，咁嘅人腳喺主場出擊，絕對夠殺有餘。

紐卡素似留力打英超

紐卡素啱啱喺英超擊敗熱刺，士氣當然唔錯啦，但係佢哋嘅人腳始終唔齊整，例如前鋒柏比斯施斯就要繼續養傷，森美艾美奧比入場6秒就建功呢啲畫面睇怕可一不可再，而且佢哋上一圈都要同水晶宮踢到加時先贏波晉級，領隊柏祖應該都想專心英超多啲，是役難阻曼城開「讓主」。
史篤城同修咸頓嘅英超內訌就比較睇好後者，兩軍上周聯賽先交過手，結果修咸頓憑沙迪奧文尼一箭定江山贏波，加上早前喺英超以8:0血洗新特蘭，嗰股氣勢仲延續到依家，史篤城即使有主場之利都要唔過，足智彩開讓球盤，修咸頓讓平手、半球照跟。（周三30，香港時間周四3:45am開賽）

熱刺超班唔怕白禮頓

另外，熱刺雖然新敗，不過佢哋嘅人腳始終強勁，今晚喺白鹿徑唔怕白禮頓越級挑戰，畢竟對手喺英冠只係排第21位，玩下手隨時降落英甲，加上累積6戰不勝，絕對不足為患，熱刺2.07倍「讓主」可以放心捧場。（周三31，香港時間周四3:45am開賽）