史雲斯“浦”得起

史雲斯“浦”得起

記得英超開季前，曾經撰文談利物浦，講紅軍雖然今季大肆擴軍，但應該好睇唔好食，未必能夠保持到上季強勢，皆因新加盟球員並非想像中咁高質素，就算有響噹噹嘅“腦殘”巴洛迪利，但踢到咁hea，點好波都冇用，誇張啲講句，加加埋埋收購了“十兄弟”，都唔夠一個“咬人蘇”咁實用。

老實講句，紅軍要攞英超冠軍機會比較渺茫，歐冠更加諗都唔使諗，羅渣士唯有向盃賽埋手，不過，要捧盃都要講能力，在聯賽盃過到史雲斯先講。計埋各項賽事，紅軍開季踢咗十三場比賽，唯一表現似樣係作客贏熱刺三球，其他場次發揮根本毫無強者本色，上場對中下游球隊侯城亦佔唔到太大優勢，最主要係中前場進攻欠缺章法，如果講整體組織與小組配合，紅軍今場對手史雲斯，可能會做得更好。事實上史雲斯踢法的確比較着重於地面組織，施古臣、邦尼、寄誠庸及蒙迪路等都有一定質素，絕對有力與紅軍一拼，初盤利物浦讓半球 / 一球，捧史雲斯“浦”得起。

推介：和波1:1