曼城拆“紐”冇留手

曼城拆“紐”冇留手

上季雙料冠軍曼城在英超及歐冠盃接連受挫，今晚再踏上聯賽盃衛冕之旅，第四圈主場迎戰有回勇之勢的紐卡素，亟須一勝反彈並為周末的曼徹斯特市打吡重建信心。領隊柏歷連尼呼籲球員集中精神：“我們要先踢好對紐卡素的比賽，然後再去想曼聯。”

衛冕的曼城近期腳風不順，歐冠盃領先兩球被中央陸軍逼和仍未開齋，返回英超上周又爆冷不敵韋斯咸，被車路士甩開六分，接連受挫一肚氣，極需要找門路出氣，提升球員士氣及信心。今晚返回主場在聯賽盃迎戰紐卡素，即使要為周末的曼市打吡留力，但曼城勝在人腳充裕，主場出擊更加唔衰得，過關依然有勝算。

即將要在英超迎戰以逸待勞的曼聯，曼城領隊柏歷連尼未必會排出最強人腳，目前仍有林柏特及拿斯尼因傷缺陣，但曼城火力依然兇猛。費蘭甸奴、高拿洛夫、拿華斯、文加拉等有機會上陣爭表現，肯定去到盡，鋒線亦有迪斯高及祖維迪。且藍月亮主場向來有保證，到訪的紐卡素將有難。

米拿：全力爭勝

作為衛冕冠軍，上一圈大炒錫周三七球，占士米拿有信心曼城能繼續過關：“我們要在一周內踢三項不同的賽事，只能踢好眼前一仗，嘗試去爭勝。我們是上屆冠軍，或者有人會說其他盃賽比聯賽盃更重要，很多人從未贏過聯賽盃，但我們只要有機會，就會去爭勝。過去我對紐卡素有不少美好的回憶，希望今次亦一樣。”

紐卡素勇態難續

紐卡素近期回勇，兩周前在英超開齋後士氣高昂，贏完再贏，上周作客反勝熱刺更打下強心針，一口氣連搶七分升上中游。不過本身班底有限，近期傷兵不斷增加，P施斯、利維亞尼、迪奧迪及迪莊等人仍要養傷。對紐卡素而言，英超搶分遠比聯賽盃重要，周末要硬撼利物浦，今晚盃賽作客曼城隨時半力出擊，加上近十次交手輸九次，要延續聯賽的強勢絕非易事。