愛華頓「尼」料開客勝   黃金機會！英超今季20隊波當中，肯定以般尼最弱，愛華頓今周作客對住呢隊魚腩，3分理應手到拿來，初盤客勝已有1.67倍分頭，唔捧對唔住自己。（周日31，now622台周日9:30pm直播） 愛華頓今季成績不升反跌，好在球隊上周主場贏維拉反底，而周中歐霸作客法國對里爾互無紀錄打和0:0完場，相信體力消耗唔會太多；值得一提，愛華頓傷兵潮已冇早排咁嚴重，主要傷兵得番史東斯、米拿拉斯同白賴仁奧維度，之前傷緊嘅巴克里、史密斯高文以及占士麥卡菲已可復出，只要前場盧卡古同賴史密夫發揮水準，要全取3分問題該唔大。 主隊般尼開季都依家都未贏過，已證實係最大魚腩，球隊仲要好冇運有主力受傷，今晚冇咗大衛鍾斯同禾基斯兩位前場主力肯定好頭痕，就算有主場之利都信唔過。