皇马起“塞”

时间：2014-10-25 00:00:00 来源：原创

皇马起“塞”今明两日锺意睇波嘅球迷一定唔得閒，因为激战连场：英超有曼联火併车路士；德甲有榜首之战慕逊加柏对拜仁慕尼黑；意甲与法甲同样有二三位之争，森多利亚对罗马及巴黎圣日门对波尔多。连中超亦唔执输，上演广州恆大斗北京国安

皇马起“塞”

今明两日锺意睇波嘅球迷一定唔得閒，因为激战连场：英超有曼联火併车路士；德甲有榜首之战慕逊加柏对拜仁慕尼黑；意甲与法甲同样有二三位之争，森多利亚对罗马及巴黎圣日门对波尔多。连中超亦唔执输，上演广州恆大斗北京国安。今晚场西甲更加係瞩目大战，皇家马德里恶斗巴塞罗那。

呢两支欧洲顶班劲旅实力毋需多介绍，阵中球星个个都係出名嘅江湖成名人物，斋讲身价，加埋简直係天文数字，呢场波唔睇点得呀！

豪取八连胜嘅皇马上场作客利物浦，半场嘻嘻哈哈已经玩残红军，兼且再度显示出强大锋力，可以媲美十级飓风。为要追贴死敌，皇马今晚誓必怒斩巴塞。

巴塞同样有超强嘅攻击力，美斯、尼马，再加“钢牙”代言人苏亚雷斯复出，呢场对攻战肯定精彩激烈。不过，巴塞近期表现间中有骤雨，例如作客被马拉加闷和，欧冠盃又输畀巴黎圣日门，今战作客皇马确有一定暗涌。初盘皇家马德里让平手／半球，睇好银河战舰赢波。

推介：皇家马德里3:1

标签：

美图画报