富咸上盤「爾」成定局

富咸上盤「爾」成定局
 
英冠今晚上演倫敦打吡，富咸喺新領隊西蒙斯領軍下，表現明顯有所改善，相反查爾頓嘅不敗之身早前已經被打破，氣勢終斷咗，所以足智彩開讓球盤，富咸讓半球、一球上盤可取。（周五24，無綫網絡電視301頻道周六2:45am直播）

富咸上仗作客洛達咸完場前入球逼和對手3:3，近5場僅嘗一敗，而且近2次主場贏波之餘仲要保持不失，睇嚟炒咗過氣教頭馬加夫真係好事，雖然阿當泰加特鼠蹊傷繼續缺陣，阿武列比達亦未復出，不過賀蘭已克服傷患，加上球隊喺新教頭西蒙斯領軍下表現醒神咗好多，呢場絕對追得過。

可再補一注入球大

查爾頓早前不敵般尼茅夫，今季嘅英冠不敗身終於被打破，加上現時傷兵愈嚟愈多，卓治同埋約瑟高美斯都肯定唔踢得，韋杜基尼、貝治古蒙臣同埋梳尼亦未及傷癒，主力之一嘅拜恩又因為累積夠5張黃而要停賽，查爾頓真係幾大鑊。
鑑於富咸表現有起色，客軍查爾頓又回落，足智彩開讓球盤，買富咸讓半球、一球上盤值搏，如果嫌唔夠喉，可以再加多注入球大，因為今仗係倫敦打吡，戰情一定激烈，對攻場面可以預期。